பதிவு: புதன்கிழமை, செப்டம்பர் 24 2024, 03.50 AM
ஸ்ரீநகர்,
ஜம்மு-காஷ்மீருக்கு இன்று இரண்டாம் கட்ட தேர்தல் நடைபெறுகிறது.
ஜம்மு – காஷ்மீரில் கடந்த ஆறு ஆண்டுகளாக ஜனாதிபதி ஆட்சியின் கீழ், கவர்னர் தலைமையில் நிர்வாகம் நடந்து வருகிறது. இங்கு சட்டசபை தேர்தல் நடத்தப்பட வேண்டும். மீண்டும் மாநில அந்தஸ்து வழங்கப்பட வேண்டும்’ என, கோரிக்கைகள் எழுந்தன.
மொத்தமுள்ள 90 தொகுதிகளுக்கு மூன்று கட்டங்களாக தேர்தல் நடைபெற உள்ளது. இதில் கடந்த 18-ம் தேதி முதல் கட்டமாக, 24 தொகுதிகளுக்கு தேர்தல் நடைபெற்றது.
இந்நிலையில் இரண்டாம் கட்டமாக, 26 தொகுதிகளுக்கு இன்று (செப்டம்பர் 25ம் தேதி) தேர்தல் நடக்கவுள்ளன. மூன்றாம் கட்டமாக, 40 தொகுதிகளுக்கு அக்டோபர் 1ல் தேர்தல் நடக்கிறது. ஓட்டு எண்ணிக்கை அக்டோபர் 4ல் நடக்கும்.
